..حبيبي جيت ابشكيلك اخذ عمـري وريحنـي ..
. ابحكيلك عن اوضاعي وابيك اليوم تسمعهـا ..
.. ابي من وقتك الغالي ولو لحظه وتسمعنـي ..
. انا جيتك بعد ما ضاقت الدنيـا مـن اربعهـا ..
.. جلست البـارح ألحالـي لأنـك ماتكلمنـي ..
.. واشوف اهموم هالعالم تجي عندي واجمعها ..
.. حبيبي اعتذر مره وقول ارجوك سامحنـي ..
. وانا مثلك بعـد اسـف وهالزعلـه نضيعهـا ..
.. ترى مالي احد غيرك اذا انت بتخاصمنـي ..
. تطيح الدمعه من عيني ويجري غصب مدمعها ..
.. طلبتك لملم اشواقي كفـا البـارح تبعثرنـي ..
. قسم بالله بس تزعل احس الـروح اودعهـا ..
.. حرام العمر يسرقنا حبيبي ارجوك تفهمنـي ..
. تعب صوتي اناديلك ابي روحـي ترجعهـا ..
.. دخيل اعيونـك الحلـوه تبسـم لا تجننـي ..
.. ترى روحي من البارح وهي تنقل مواجعها ..
.. زعلت وجيت ابشكيلك بعد عمري تصدقنـي ..
.. كرهت الارض فغيابك من اولهـا لسابعهـا ..
.. بعد هالعمر والعشره حبيبـي ليـه تسألنـي ..
. احبك ؟ ايه احبـك .. وخـل النـاس تسمعهـا ..
